20:02 парламент дәресе | |
Былтыргы уку елыннан башлап Республикабыз мәктәпләрендә парламент сәгатьләре даими рәвештә үткәрелеп килә. 11 нче февраль көнне МБББУ "Сарман гимназиясе"ндә чираттагы парламент дәресе уздырылды . Дәрес “Шәхес. Җәмгыять. Дәүләт” темасы астында узды. Парламент сәгатенә Сарман муниципаль районы башлыгы урынбасары, район советы депутаты Гәрәева Гүзәл Рифкать кызы чакырылган иде.Ул укучыларны бүгенге көндә җәмгыятьтә күтәрелгән проблемалар, дәүләт тарафыннан кабул ителгән законнардагы үзгәрешләр белән таныштырды, укучыларга теләкләрен җиткерде.10 нчы сыйныф укучылары үзләре өчен мөһим сорауларга җавап алдылар, теләкләрен белдерделәр. Аларның хыялы – авыл җирлегендә мәдәни-сәнгать, спорт объектлары, ял итү урыннары булдыру .Бу төр очрашулар укучыларның сәясәткә булган кызыксынуларын арттыра,фикерләү дәрәҗәсен үстерә. Парламент дәресе кысаларында алынган мәгълүмат укучылар, аларның киләчәге өчен файдалы һәм мөһим булыр дип ышанабыз. | |
|
Всего комментариев: 0 | |